- 379 -

1399. Juni 12. Liegnitz.

Der Notarius publicus Paulus Przedwogus stellt ein Instrument aus über eine Fundation der Elisabeth Haynerinne für die Peterskirche.

In nomine domini amen. Sub anno natiuitatis ejusdem millesimo trecentesimo nonagesimo nono, indiccione septima, die duodecima mensis Junij, hora meridiei uel quasi, pontificatus sanctissimi in Christo patris ac domini nostri domini Bonifacii diuina prouidencia pape viiij anno decimo, in domo honeste mulieris domine Elizabeth Haynerynne in Legnicz in mei notarij publici infrascripti testiumque subscriptorum ad hoc vocatorum et specialiter rogatorum presencia constituta personaliter dicta domina Elizabeth sana mente et corpore non decepta nec per aliquem errorem seducta, sed deliberacione prehabita diligenti, in sue ac progenitorum suorum animarum salutem dedit, tradidit, donauit nomine veri et legitimi testamenti irreuocabiliter viginti marcas grossorum super domo sua pro duabus marcis grossorum annui census comparandas, quas in platea Rittergasse ibidem in Legnicz habere et possidere dinoscitur, videlicet unam cum media marcas grossorum ad altare et ipsius altaris ministros, quod in ecclesia parrochiali sancti Petri in Legnicz est erectum et fundatum et in honore sancti Nicolai consecratum, mediam vero marcam grossorum annui census capellanis ibidem apud sanctum Petrum pro anniuersario dicte domine Elisabeth singulis annis vigilias et missam pro defunctis peragendam. Insuper si predicta domina Elizabeth testatrix predictam suam domum vendiderit mox pro viginti marcis censum duarum marcarum pro dicto altari et ipsius altaris magistris unam cum media marcas, mediam vero marcam grossorum annui census pro dictis capellanis debet comparare, eo tamen saluo, quod predicta domina Elizabeth testatrix dictarum duarum marcarum census vsumfructum retinere debet, quamdiu vitam duxerit in humanis, domini coram me notario publico infrascripto et testibus subscriptis dictarum duarum marcarum census. cedens et renuncians, donans et transfundens ipsum dominum in dictum altare et ipsius altaris ministros, ac eciam capellanos predictos, promisit insuper prenarrata domina Elizabeth mihi notario publico sollempniter stipulanti vice et nomine omnium, quorum interest uel intererit, dictam donacionem habere ratam, gratam atque firmam, nec contra ipsam venire per se uel alium publice uel occulte, directe uel indirecte, aut quouis alio quesito ingenio seu colore. Super quibus omnibus et singulis premissis presens publicum est confectum instrumentum. Acta sunt hec anno, indiccione, die, mense, hora, pontiticatu et loco, quibus supra, presentibus discretis viris domino Johanne Medici presbytero de Legnicz et Petro Huwbyl clerico quondam pincerna summi Legnicensis testibus ad premissa.
Signum notarii.
Et ego Paulus Przedwogus de Coneczpole clericus Gneznensis dioc. publicus imperiali auctoritate notarius dicti testamenti assignacioni donacioni et legacioni, aliisque omnibus et singulis premissis, dum sic, ut premittitur, fierent et agerentur vna cum prenominatis testibus presens interfui, aque sic fieri vidi et audiui et in hanc publicam formam manu propria scriptam redegi. Signo et nomine meis solitis et consuetis consignaui rogatus et requisitus in fidem et testimonium omnium premissorum.

O. d. St. L. No. 192.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866